Nod y prosiect yma yw cynyddu ymwybyddiaeth o gynnyrch sy'n cael ei dyfu'n lleol a datblygu cysylltiadau rhwng cynhyrchwyr bwyd lleol a defnyddwyr ym Mhowys. Fe fydd y prosiect yn annog cynhyrchu cynaliadwy ac yn dod o hyd i farchnadoedd lleol newydd ar gyfer ffrwythau a llysiau. Ymhlith partneriaid posib y prosiect mae teuluoedd sy'n ffermio, busnesau bach a mentrau cymdeithasol neu gymunedol.

Y syniad gwreiddiol y tu cefn i Amaethyddiaeth a Gefnogir gan y Gymuned yw y bydd y defnyddiwr yn llunio perthynas â'i ffermwr lleol i gael cyflenwad blwyddyn o ffrwythau, llysiau, wyau, mêl, cig, ac ati. Bydd hyn yn caniatáu i'r ffermwr gael incwm gwarantedig ymlaen llaw i'r tymor tyfu, a sail cwsmeriaid lleol mae'n eu hadnabod.

Cyn 2004, bu Glasu yn helpu i sefydlu saith cynllun blychau llysiau ledled Powys fel rhan o brosiect Amaethyddiaeth a Gefnogir gan y Gymuned. Bu'r rhain o help i roi hwb i economïau lleol, i gwtogi ar filltiroedd cludo bwyd ac i helpu defnyddwyr i ddod yn gyfarwydd unwaith eto â'r tymhorau tyfu.

Ymhlith amcanion prosiect AGG bellach mae:

• cefnogaeth dechnegol ar gyfer tyfwyr i reoli cynlluniau blychau;
• ymchwil i gynhyrchu garddwriaethol;
• datblygiad grŵp cynhyrchwyr Powys;
• cyrsiau hyfforddi i ddatblygu sgiliau mewn cadw hadau, cynaeafu a storio ffrwythau a llysiau;
• Diwrnodau Agored, deunyddiau cyhoeddusrwydd ac arddangosiadau coginio mewn Marchnadoedd Ffermwyr a Gwyliau Bwyd.