Meithrinfeydd Coed Powys
Hybu tyfiant a phlannu coed â tharddiad lleol cynhenid.
Amcan y prosiect hwn yw cynorthwyo busnesau ym Mhowys sy'n dymuno tyfu a chyflenwi eginblanhigion coed â tharddiad lleol.

Cychwynnodd y prosiect ym mis Ebrill 2005 ac fe'i cynhelir hyd at fis Mawrth 2008 drwy nawddogaeth LEADER+ Yr Undeb Ewropeaidd, Llywodraeth Cynulliad Cymru a Chomisiwn Coedwigaeth Cymru.

Coed Cynhenid a Hadau â Tharddiad Lleol
Diogelu bioamrywiaeth a synnwyr economaidd da

Coed â Tharddiad Lleol?
Tyfir y coed hyn o hadau a gesglir o ardal a bennwyd yn lleol.

Gwreiddiau Lleol?
Wrth gasglu hadau â tharddiad lleol, ceisiwch osgoi casglu hadau o goed, o bosib, sydd wedi'u tyfu o had sydd wedi'i fewnforio yn y gorffennol. I fod yn siŵr, dylid casglu o goed yr adnabyddir y'u bod â tharddiad lleol hir-sefydlog dibynadwy, megis y rhai o goedwigoedd hynafol lled-naturiol.

Pam plannu Coed Cynhenid a Llwyni â Tharddiad Lleol neu Wreiddiau Lleol?

• Mae eu cyfansoddiad genetig yn sicrhau eu bod wedi addasu i amodau lleol a geir yng Nghymru.
• Mae plannu coed sy'n addasu'n well yn sicrhau gwell siawns o oroesi, gan osgoi'r gost o ailblannu. Mae tyfu coed eich hunain yn arbed hyd yn oed mwy o arian.
• Gall tyfu coed o hadau sydd wedi'u mewnforio wahaniaethu'n sylweddol o ran nodweddion genetig hanfodol, megis yr adeg y maen nhw'n deilio, blodeuo a ffrwytho, gan darfu ar y cydbwysedd rhwng coed cynhenid a'r bywyd gwyllt y maen nhw'n eu cefnogi.
• Mae ffynhonnell leol o goed a hadau yn lleihau costau cludiant, lleihau llygredd a helpu i ddiogelu cyflogaeth leol.
• Mae mwyafrif yr asiantaethau sy'n gysylltiedig â phlannu coed, gan gynnwys Coed Cymru, Y Comisiwn Coedwigaeth, Cyngor Cefn Gwlad Cymru, Ymddiriedolaeth Coetiroedd, Llywodraeth Cynulliad Cymru a'r Awdurdodau Unedol bellach yn argymell defnyddio coed â tharddiad lleol.

Glasu a'r Meithrinfeydd Coed ym Mhrosiect Powys
Sut all y prosiect eich helpu?
Mae prosiect Meithrinfeydd Coed Glasu'n cefnogi tyfwyr sy'n cynhyrchu coed cynhenid, sy'n cael eu tyfu o hadau sydd wedi'u casglu'n lleol (o fewn parthau tarddiad 303/304), drwy:

• Grantiau. Mae Cronfa Fenter Meithrinfeydd yn cynnig grantiau hyd at £1000 i ariannu datblygiadau meithrinfeydd.
• Cyngor. Cyngor cyffredinol ar weithrediadau meithrinfeydd coed yn cael ei ddarparu gan Gydlynydd Tarddiad Coed Lleol.
• Hyfforddiant. Mae'r achlysuron a drefnwyd hyd yma yn cynnwys ymweliadau â meithrinfeydd coed presennol a seminarau ymarferol ar gasglu hadau coed.
• Marchnadoedd. Cydlynu marchnata coed â tharddiad lleol ym Mhowys, er enghraifft : trwy gefnogi tyfwyr mewn sioeau masnachu; neu ddatblygu gwerthiant drwy'r rhyngrwyd.
• Cydweithrediad. Cefnogi cydweithio rhwng tyfwyr unigol i leihau costau a gwella'r agwedd farchnata.