Sut i wneud Cais

Er nad oes meini prawf pendant y bydd angen i chi ei ddiwallu wrth asesu a yw eich syniad yn ddyfeisgar, bydd gan bob prosiect ganllawiau penodol a ddynodir gan Lywodraeth Cynulliad Cymru. Cyn dechrau proses ymgeisio ffurfiol, rydym yn gofyn i chi gysylltu â’r swyddog prosiect perthnasol ar 01982 552224 i drafod eich syniad. Unwaith y bydd Glasu a’r ymgeisydd posibl wedi cytuno ar gymhwyster cyffredinol y syniad yn ogystal â chwmpas ac amlinelliad o brosiect, bydd ymgeiswyr yn cael eu gwahodd i lenwi a chyflwyno ffurflen gais.

Fel rhan o’r trafodaethau hynny gyda swyddogion prosiect, dylid bod wedi cyflwyno amserlen ddynodedig i ymgeiswyr eisoes o ran y broses ymgeisio. Gan ddefnyddio’r wybodaeth a roddwyd yn y ffurflen gais a gan dynnu ar drafodaethau blaenorol a phresennol gyda’r ymgeisydd, bydd y swyddogion prosiect wedi hynny yn llunio pro-forma i’w gyflwyno i banel asesu nawdd Glasu (Y Grwp Gweithredu Lleol neu GGLl). Mae ein GGLl yn cwrdd bob chwarter i asesu unrhyw geisiadau am nawdd sydd werth dros £5,000. Mewn rhai amgylchiadau, gellir asesu prosiectau sydd â gwerth sy’n is na £5000 trwy broses gyflymach sy’n cynnwys is-grŵp dynodedig o’r GGLl llawn.